Ө.Шижир: Хэдхэн хоногийн өмнө төрийн цэргийн нэг байгууллагын генерал мөрдөстэй хүн хэд хэдэн хурандааг хажуудаа суулгаж байгаад улс төрийн мэдэгдэл хийсэн. Энэ нь цаанаа хууль зүйн салбар чинь тодорхой хэмжээнд хөл толгойгоо олохгүй байгаагийн илрэл. 

Улс төрөөс ангид, хуульд захирагдаж, хуулийн манаанд зогсох ёстой байгууллагууд ээлжлээд улс төрийн мэдэгдэл хийгээд байвал юу болох вэ? Хууль чанга үйлчилдэг улсад бол үүнийг цэргийн эргэлт гэж үзнэ.

Энэ бол зүгээр өнгөрөх асуудал биш, маш ноцтой асуудал учраас заавал хариуцлага тооцох ёстой. Ийм зүйлд өнөөдөр хариуцлага тооцохгүй бол маргааш хэний тушаалаар аль нэг цэргийн байгууллага нь улс төрийн мэдэгдэл хийхийг бид хянаж чадахгүй болно.